Мухлислар ўртасидаги оммавий муштлашув туфайли Бразилия чемпионати доирасидаги “Куритиба” – “Крузейро” учрашуви тўхтаб қолди

Бразилия А сериясининг 34-турида “Куритиба” ва “Крузейро” жамоалари тўқнаш келишди. Мезбонлар ҳужумчиси Робсоннинг 91-дақиқада урган голидан сўнг мухлислар оммавий равишда майдонга кириб, замбил ва реклама тахталари ёрдамида муштлашишни бошлашди. Жанжални бостириш учун полиция сафарбар этилди.

Шундан сўнг кўплаб мухлислар стадионни тарк этишни маъқул кўришди, футболчилар эса кийиниш хоналарига кетишди. Маълум вақтдан ўйин давом эттирилди ва учрашув 1:0 ҳисобида "Куритиба" фойдасига ҳал бўлди.