Мурод Отажонов: "30-дақиқаларда ҳисоб 0:4 бўлади деб ўйламагандик"

Мурод Отажонов: "Футбол икки таймдан иборат. Биринчи бўлимда умуман ўйнамай, иккинчи таймда гол уришдан фойда йўқ. "Навбаҳор"ни табриклайман. Биринчи таймда ўйин натижасини ҳал қилиб, иккинчи иккинчи таймда тактик схемаларини синаб кўрди. Ўзгаришлардан сўнг ўйинимиз қовушиб кетди деб ўйлайман. Қайтараман, футбол 2 таймдан иборат".

- Ҳимоячи Даврон Эргашевнинг йўқлиги сезилдими?

- Албатта, Эргашевдек тажрибали футболчи йўқлиги таъсир қилди.

- "Навбаҳор"дан шундай ўйин кутганмидингиз? Тезкор гол "Бунёдкор"ни синдириб қўйдими?

- "Навбаҳор" ҳамиша ҳужумкор футбол намойиш этган. Улар сафида 3-4 нафар терма жамоа вакиллари тўп тепади. 30-дақиқаларда 0:4 бўлади деб ўйламагандик. Тезкор гол йигитларни синдириб қўйгани йўқ, иккинчи бўлимда ўзимизга келиб, гол уришга муваффақ бўлдик. Биринчи таймдаги 7та зарбанинг 1таси устунга тегди, 5таси дарвозамизга кириб кетди. Рақибнинг тажрибаси ўз сўзини айтди.

- "Бунёдкор" бугун иккинчи қаватдаги курашларнинг деярли барчасида мағлуб бўлди. Жамоангиз стандартлар устида ишламаяптими?

- "Навбаҳор" биздан кўпроқ ишлаётганга ўхшаяпти. Вазиятларда машғулотлардаги каби ҳарака қила олмадик.