Муҳиддин Худоёров "Бухоро" билан шартнома тузди

Яқинда жамоага кўрикдан ўтиш учун таклиф этилган дарвозабон, Мухиддин Худоёров бугун расман “Бухоро” аъзосига айланди.

Ушбу дарвозабон ўтган мавсум Самарқанднинг “Динамо” клуби шарафини ҳимоя қилган эди. Худоёров Самарқанд клубида 4 йил посбонлик қилган тажрибали футболчи Андрей Мельничукга рақобат кўрсатиб, уни заҳира ўриндиғига “михланишига” сабабчи бўлган эди. “Динамо” биринчи лигага равона бўлганидан сўнг, Худоёров ҳам ушбу жамоани тарк этишга қарор қилди.

Эслатиб ўтамиз, Мухиддин Худоёров сўнгги пайт “Динамо”нинг асосий дарвозабони сифатида жами 16 учрашувда майдонга тушди ва 1335 дақиқа майдонда ҳаракат қилди. Ушбу дарвозабон 16 та учрашувда жами 24 маротаба ўз дарвозасидан тўп олиб чиқишга мажбур бўлган эди.