Муҳаммадқодир Ҳамралиев: "Пахтакор" академиясида катта бўлганман. Бу кунларни орзу қилар эдим"
25 ноя 2023 15:15
Новости

Муҳаммадқодир Ҳамралиев: "Пахтакор" академиясида катта бўлганман. Бу кунларни орзу қилар эдим"

"Пахтакор" мудофаа чизиғида ишончли ўйин кўрсатган Муҳаммадқодир Ҳамралиев "Сурхон" билан кечган учрашувдан сўнг чемпионлик таассуротлари билан бўлишди.

"Ўзим "Пахтакор" академиясида катта бўлганман. Бу кунларни орзу қилар эдим. Ўзимиздан катта футболчиларга ҳавас қилар эдик. Мана орадан йиллар ўтиб, ниятим амалга ошди. Энди мақсадимиз – ОЧЛда ҳам ўзимизни кўрсатиш. Бу билан тўхтаб қолмоқчи эмасмиз. "Пахтакор"даги мақсадим – ҳар бир мусобақада максимал натижа қайд этиш.

Олдинда олимпия терма жамоаси билан ҳам муҳим ўйинларимиз кутиб турибди. Куни кеча Осиё чемпионатига қуръа ташланди. Имкониятимиз яхши. Жамоамиз ҳам шаклланган. Қатардаги Осиё чемпионатига чемпион бўлиш учун борамиз", – дейди Муҳаммадқодир Ҳамралиев.

Маълумот учун, Ҳамралиев "шерлар" либосида бу мавсум Суперлигада 16 та ўйинда майдонга тушди ва 1 та гол урди.

Ссылка :

Источник : Championat.asia

Получайте новости прямо в Telegram!

Рейтинг: +13