Жозе Моуриньо: "Интер" билан требл қайд этганимни "Ювентус" ишқибозлари кўтара олмаган"

ЕЧЛ гуруҳ босқичи 3-туридан ўрин олган "Манчестер Юнайтед" - "Ювентус" беллашувида турин клуби ишқибозлари Жозе Моуриньюни беъмани сўзлар билан ҳақорат қилишди. Бунга жавобан, португалиялик мураббий муҳлисларга бармоғи билан уч рақамини кўрсатди.

Учрашувдан кейин матбуот анжуманида Жозе ўзиниинг бу реакциясига қуйидагича изоҳ берди.

"Мухлисларнинг ҳолатини тушуниш керак. Табиийки, улар мени ёқтиришмайди. "Интер"да бир мавсумда учта соврин ютиб требл қайд этганим - улар учун оғир дақиқалар эди. Улар буни кўтара олишмаганди.

"Ювентус" футболчилари, мураббийлари ва клуб раҳбарияти билан муносабатим илиқ ва уларни ҳурмат қиламан", - деди Моуриньо.