Моуриньо: "Англияда клубларни ҳимоя қилиш учун ҳеч қандай ҳаракат амалга оширилмади"

Манкунианлар 27 сентябрь куни Чемпионлар лигасида ЦСКА билан баҳс (4:1) ўтказишди, 30 сентябрда эса улар АПЛда "Кристал Пэлас" билан ўйнайди.

"Бу фақат менинг ёки МЮнинг муаммоси эмас. Эртами-кечми бу ҳамма билан содир бўлади. Англияда клубларни ҳимоя қилиш учун нега ҳеч қандай иш амалга оширилмаслигини тушунмайман, бироқ бошқа мамлакатларда аксинча. Икки йил олдин "Манчестер Сити" шундай ҳолатда эди, жамоа устози Мануэль Пеллегрини иккинчи таркиб билан ўйнашга мажбур бўлган, чунки "шаҳарликлар" Чемпионлар лигаси ярим финалига чиқмоқчи эди. Нега ўйинларни якшанбага қўйиш мумкин эмас? Келаси ҳафтада еврокубоклар йўқ-ку. Ғалати.

Биз нолимасдан, жамоани рухан тайёрлашимиз керак. Майдонга чиқишга мажбурмиз. Бу баҳсга бир ҳафта тайёрланган клубга қарши ўйнашимизни биламиз. Аммо ғалаба қозонишга ҳаракат қилишмиз лозим" - дейди Моуриньо.