"Фенербахче"нинг янги президенти Моуриньюни жиддий танқид қилди

2024 йил июнида жамоа бошқарувига келган португалиялик мураббий август ойи охирларида истеъфога чиқарилганди.

"Ўтмишни гапиришдан маъно йўқ. Ёзги йиғин жуда ёмон ўтгани ҳақида гапирганимга ўзим афсусланганман. Батафсил гапиришни истамайман, бироқ Португалияда жамоа бир кунда бир марта шуғулланарди. Бошқа ҳеч нима демайман.

Янги футболчилар келганида Моуринью ҳали ишлаётганди. Орадан 5 ҳафта ўтиб жамоадан кетди. У сабабли бизнинг мавсумолди тайёргарлигимиз расво ўтди, бунинг асорати ҳалигача кўринмоқда.

Ўша пайтда клубда ҳаёт ўлгандек кўринганди - мен ҳали ҳам юмшоқ қилиб айтяпман. Клуб қароргоҳига келганимда буни ўз кўзим билан кўрганман", - деди Саран.