Модрич 5-марта Хорватияда йил ўйинчиси деб топилди

31 ёшли Хорватия терма жамоаси аъзоси бешинчи марта бу совринга эга чиқди.

«Бу совринни олиш ажойиб. 2007 йил илк бор шундай совринни олгандим ҳамон ёдимда. Ўшанда беш бор шундай натижага эришаман деб ўйламагандим. Менга овоз берганларга катта раҳмат. 110 очко олиб рекорд қайд этганимдан хурсандман» – дейди Модрич.

Хорватиянинг энг яхши футболчисини собиқ футболчилардан иборат экспертлар гуруҳи аниқлайди.

Модрич 110 балл олди. Ушбу натижа совриннинг 45 йиллик тарихидаги рекорднинг такрорланишидир. 2004 йилда Дадо Пршо ҳам шунча балл тўплаган эди.