"Mixed zone". Жасур Жалолиддинов: "Диёр Раҳимқуловнинг орзусини рўёбга чиқаришимиз керак"
04 июн 2022 23:43
Новости

"Mixed zone". Жасур Жалолиддинов: "Диёр Раҳимқуловнинг орзусини рўёбга чиқаришимиз керак"

Тимур Кападзе бошчилигидаги терма жамоамиз U-23 Осиё чемпионатидаги ғалабали юришини давом эттиради.

Бугун бўлиб ўтган Қатар U-23га қарши майдонга чиққан футболчиларимиз йирик 6:0 ҳисобидаги ғалабани тантана қилди. Учрашувдан сўнг терма жамоамиз сардори Жасур Жалолиддинов микст-зонада фикрларини билдириб ўтди.

"Шундай тарзда ғалаба қозонишни истаган эдик, дея оламан. Чунки дастлабки турдан сўнг турли саволлар юзага келганди. Ўша куни биринчи ўйин, боз устига Туркманистон чуқур ҳимояланганди. Шу боис гуруҳдан чиқиш масаласини сўнги турга қолдирганимиз йўқ.
Аввалги учрашувдан кейин танқидларга эътибор берганим йўқ. Биз бир жамоамиз. Ҳозир гапларга аҳамият берадиган пайт эмас. Ўз йўлимизда давом этамиз.
Биринчи умуман ҳамма голимни дўстим Диёр Раҳимқуловга бағишлашни мақсад қилгандим. Унинг орзусини амалга оширишимиз керак. Шу руҳда давом этамиз. Тахминимча, кейинги босқичда Ироқ ёки Иорданияга рўбару келишимиз мумкин", - дейди Жасур Жалолиддинов.

Ссылка :

Источник : championat.asia

Получайте новости прямо в Telegram!

Рейтинг: +14