"Mixed zone". Бегенчмурат Мурадов: "Майдонда Туркманистон халқи учун ўйнадик"

Қатар билан 2:2 ҳисобида дуранг ўйнаган Туркманистон 4 очко билан иккинчи ўрин билан бирга кейинги босқич йўлланмасини қўлга киритди. 

Қўшниларимизнинг икки голига муаллифлик қилган Бегенчмурат Мурадов учрашувдан сўнг микст-зонада фикрлари билан ўртоқлашди.

"Майдонда Туркманистон халқи, мухлислари учун тўп тепдик. Улар бахтимизга соғ-саломат бўлишсин. Гуруҳдан чиқиш вазифаси ўзимизга боғлиқ эди. 0:2дан сўнг барчасини бошидан бошладик. Эрон билан ўйинда ҳам, бугун ҳам ҳисобда ортда бораётиб вазиятни ўнглай олдик. Демак бу тасодиф эмас.

Австралия? Биз ҳам қараб турмаймиз. Мусобақада энди бизни билишади. Худо хоҳласа охиригача курашамиз",- дейди Мурадов.