Расмий хабар: Михал Кухарчик "Пахтакор" футболчисига айланди
14 июл 2023 15:26
Новости

Расмий хабар: Михал Кухарчик "Пахтакор" футболчисига айланди

Польшалик ярим ҳимоячи пойтахтликлар билан бир ярим йиллик шартнома имзолади.

32 ёшли футболчи фаолиятининг асосий қисмини Польша клубларида ўтказган. 9 мавсум "Легия", сўнгги 3 мавсумда "Погон" жамоалари шарафини ҳимоя қилган. Бир йил эса Россиянинг "Урал" клубида ўйнаган. Польша чемпионатида 5 карра чемпионга айланиб, 6 мартадан Польша Кубоги ва Суперкубогини қўлга киритган. Юқори лигаларда 328 учрашувда 59 гол муаллифи бўлган. Кубок баҳсларида 51 ўйинда 9, Еврокубокларда 70 беллашувда 14 та тўп киритган.

Польша миллий терма жамоасида 8 учрашувда 1 та тўп киритган. Кухарчик 2024 йил охирига қадар "Пахтакор" сафида ўйнайди.

"Умид қиламизки, Кухарчик Польшадаги чемпионлик ва совринларга бой фаолиятини "Пахтакор"да ҳам давом эттиради. "Пахтакор"га хуш келибсан, Михал!", - дейилади клуб хабарида.