Миржалол Қосимов: "Чемпионлик учун тўрт жамоа курашади"

"Ўйин устунлигимизда ўтди. Учрашув бошидаги хотиржамлик бизга панд бериб қўйиши мумкин эди. Чемпионат якунланмоқда ва очко улашмоқчи эмасмиз. Имкониятлар жуда кўп бўлди биринчи тўп ўтказиб юборганимиз ҳам йигитларга яхши таъсир ўтказди. Чемпионликка курашаётган жамоа бундай ўйнаши яхши эмас дейишим мумкин. Бундан буёғига қолган бешта тур жуда ҳам оғир бўлади. "Пахтакор" ҳам имконият бўлмоқда. Чемпионлик учун тўртта жамоа курашмоқда. Йиғитлар бугунгидек хотиржамликни йўқотиши керак" - дея гап бошлади Миржалол Қосимов.

- Бугун Сардор Рашидовни захирага олдингиз шуни изоҳлаб ўтишингизни сўрардим. Ундан ташқари терма жамоага жалб этилган футболчилар ҳақида айтиб ўтсангиз.
- Ҳали улар ёш ва уларга катталар ҳам ёрдам бериши керак. Сардор озгина ўзини йўқотиб қўйди. Пишур битта гапиргани учун тайёр голни ўзи урмади. Аста секин улар ҳам мослашиб кетишади. Масалан, Илҳом Юнусов "Насаф"га катта вазифани бажармоқда. Шунинг учун уни терма жамоага чақирдим.

- Одил Аҳмедов нега терма жамоага жалб этилмади?
- Биз Азиз Ҳайдаров ва Фозил Мусаевни чақирдик. Захирада кимнидир ўтишишини истамайман. Кейинги сафар бошқаси келиши мумкин.