Мирко Еличич: "Ўйинга тайёр 16 нафар футболчимиз бор"
15 апр 2025 19:34
Новости

Мирко Еличич: "Ўйинга тайёр 16 нафар футболчимиз бор"

Ўзбекистон Кубоги 1-туридан ўрин олган "Олимпик" – "Иштихон" (0:2) ўйинидан кейин мезбонлар бош мураббийи Мирко Еличич фикрларини билдирди.

- Ўйин ҳақида

Албатта, ўйинимиздан қониққанимиз йўқ. Нималар етишмаётганини аниқлаб, ўрганиб чиқамиз. 3-4 кун олдин ўйнаганимиз ва 3 кундан кейин ўйинимиз борлигини инобатга олиб, 3-4 нафар футболчимизга дам бергандик. Бугунги ўйин манзур келмади. Захира футболчилари ҳам ўз даражасида тўп тепа олмади. Камчиликлар устида ишлаб, "Олимпик-MobiUz" билан ўйинга тайёргарлик кўрамиз.

- Бугун "Олимпик" жуда кўп хато қилди...

- Биз "Жайхун" билан сунъий майдонда ҳаракат қилдик. Шундан сўнг яна сунъий майдонда шуғулландик ва табиий майдонда ўйнамадик. Майдондан майдонга мослашиш қийинчилик туғдирди. Таркибимиз кўплаб ёшлардан иборат. Шунингдек, нисбатан тажрибали футболчиларимиз бор. Лекин бугунги ўйинда тажрибали ўйинчилар ўз даражасида ҳаракат қилмади.

- "Олимпик" кетма-кет мағлубиятга учрамоқда. Бу вазиятдан қандай чиқиб кетмоқчисиз?

- Бундай пайтда негатив нарсаларни ўйламасликка ва ижобий ҳолатларни ўйлашга уринамиз. Кейинги ўйингача вақт кам. Баъзи ўйинчиларимиз жароҳатда. Улар қайтса, бизга анча фойдаси тегарди. Ҳозирда дарвозабонлардан ташқари ўйинга тайёр 16 нафар футболчимиз бор. Уларнинг кўпчилиги бугун ўзини кўрсатолмади. Таркибимиздаги кўпчилик ёш бўлгани учун уларга негатив муомалада бўлсак, бу уларга психологик томондан нотўғри таъсир қилиши мумкин.

Ссылка :

Источник : Championat.asia

Получайте новости прямо в Telegram!

Рейтинг: +1