Миржалол Қосимов: "Сўнгги 15 дақиқаликда натижа учун ўйнадик"

- Осон ўйиннинг ўзи йўқ. Энг асосийси - натижага эришдик. Қолаверса, тезкор, қарши ҳужумларга бой қизиқарли ўйин бўлди. Албатта, "Олимпик"ка қарши ўйнаш осон эмас. Таркибда яхши футболчилар йиғилган. Жамоа бизга яхши қийинчиликлар туғдиришди, айниқса, иккинчи бўлим охирларида. Биз ҳам сўнгги 15 дақиқаликда натижа учун ўйнадик. Чунки "Бунёдкор"га қарши ўйинда сўнгги дақиқада гол ўтказиб юбориб, ғалабадан маҳрум бўлгандик. Клуб раҳбариятига раҳмат айтмоқчиман. Улар бизга нейтрал майдонни тақдим қилиб, ўз майдонимизни чиройли чим билан, яхши ёриткичлар билан таъминлаб беришди. Шу сабабли уларга миннатдорлик билдирмоқчиман. Бундай майдонда биз бундан ҳам яхшироқ ўйин кўрсатишимиз керак. Шу орқали биз ўз мухлисларимизни хурсанд қиламиз. 

- Таркибда Акрамжон Комилов ҳамда Виталий Денисов каби чап қанот ҳимоячилари турганда Шоҳруҳ Гадоев ушбу нуқтада ўйнади.

- Бундай ишни қилишни ўтган йили бошлаганмиз. У ҳимоядан тезда ҳужумга ўта олади. Кутилмаган вазиятлар яратишга қодир. Шу сабабли Гадоевни ҳимояда ўйинга туширдим. Комилов операция қилинган. Шу сабабли унинг тикланиши учун вақт керак. Энди қўл остимиздаги футболчилардан фойдаланишга мажбурмиз. 

- Сиаваш Ҳақназарийнинг майдонга туширилмагани сабаби ротациями ёки унинг жароҳати борми?

- Кичик жароҳати бор. Унинг катталашмаслиги учун қайдномада бўлса-да, уни майдонга туширмадик. Ҳали олдимизда ўйинлар кўп. Агарда бу сўнгги ўйин бўлганида ҳам бошқа гап бўларди.