Миржалол Қосимов: “Баъзан футболда омадга ҳам кўп нарса боғлиқ”
19 авг 2017 00:15
Новости

Миржалол Қосимов: “Баъзан футболда омадга ҳам кўп нарса боғлиқ”

“Насаф” – “Бунёдкор” жамоалари (0:1) ўртасидаги учрашув ниҳоясига етгач, “Бунёдкор” жамоаси бош мураббийи Миржалол ҚОСИМОВ матбуот анжуманида иштирок этди ва ўйин ҳақидаги фикрларини билдириб ўтди.

-Бугун бир-бирига муносиб икки жамоа иштирокида ажойиб ўйинни гувоҳи бўлдик. Ўйин асабий кечганини ҳам таъкидлаб ўтган бўлардим. “Насаф”га қарши меҳмонда ўйнаш жуда оғир. Шунга қарамасдан йигитлар бор имконларини ишга солишиб, ҳаракат қилишди. Муҳими уч очкони қўлга киритдик. Иккинчи бўлимдаги вазиятда агар Чемиртан гол ура олганида балки ўйин бунчалик асабий кечмасди. “Насаф” жамоаси ҳақида яхши фикрларни айтишим мумкин. Таркибда кучли футболчилар бор. Мураббий футболчиларга доимо имкон беради. Бунда ҳар қандай футболчи ўзини кўрсатиши керак. Баъзан футболда омад ҳам керак бўлади.

Элдор Шомуродов ҳақида фикрим? Мен фақат унга омад тилайман. Уни камроқ майдонга тушаётганига сабаб, албатта мураббий уни яхши ўрганса, кўпроқ имкон беради. Бунга озроқ вақт керак бўлади.

Ссылка :

Источник : fcnasaf.uz

Получайте новости прямо в Telegram!

Рейтинг: +6