Мирғиёс Сулаймоновнинг голи “Металлург”га ғалаба келтирди

Январь ойидаги ўйинда бухороликлар 2:0 ҳисобида ғалаба қозонишганди. “Бунёдкор” академияси майдонида кечган иккинчи учрашувда бекободликлар реванш олишди. Мирғиёс Сулаймонов томонидан киритиган гол ўйинда ягоналигача қолди.

Биринчи таймда жамоалар жуда эҳтиросли ўйин намойиш этишди. Майдоннинг ҳар бир қаричи ва ҳар битта тўп учун кураш айрим ҳолатларда ҳис-ҳаяжонларнинг жунбушга келишига сабаб бўлди. Аммо жамоалар биринчи бўлимда ўз дарвозалари даҳлсилигини сақлаб қолишди. Иккинчи бўлимда эса ўйин анчагина зерикарли тус олди. Рақиблар асосан майдон марказини эгаллаш пайида бўлишди. Фақатгина учрашув якунига етиб бораётган бир пайтда “Металлург”нинг кам сонли ҳужумларидан бири гол билан якунланди. Шерикларининг чап қанот бўйлаб бошлаб берган тўпини Мирғиёс Сулаймонов чап оёқдаги ажойиб зарбаси билан “Бухоро” жамоаси дарвозаси тўрига жойлаб қўйди – 1:0.
 
Жамоалар ўйинни қуйидаги таркибда ўтказишди:
“Бухоро” – “Металлург” – 0:1. “Бунёдкор” академияси майдони. 6.02.2016 йил.
Ҳакамлар:Зокир Қодиров, Владлен Лушин, Рашид Нугманов.
Назоратчи ҳакам:Булат Галеев.
“Бухоро”: Обид Худоёров (Амонов), Руслан Мельзитдинов, Александр Мерзляков, Артём Филиппосян, Сардор Раҳмонов, Саламат Қуттибоев, Алишер Санаев, Азиз Ибрагимов, Дилшод Шарофетдинов, Санъат Шихов, Баҳодир Пардаев.
Заҳирадан майдонга тушганлар: Максимиллиан Фомин, Суҳроб Неъматов, Павел Смоляченко, Шавкат Саломов.
“Металлург”: Суҳроб Султонов, Мирғиёс Сулаймонов, Ҳикмат Ҳошимов, Даврон Каримқулов, Мурод Тошматов, Жавоҳир Эсонқулов (Вусол Магеррамов), Дониёр Одилов, Дилмурод Каримов, Эргаш Исроилов (Улуғбек Худойбердиев), Фарҳод Намозов (Суннатилла Эрматов), Зоҳид Абдуллаев.