Милитао "Реал" билан янги шартнома имзолайди

As хабарига кўра, яқин кунларда марказий ҳимоячи Мадрид клуби билан 2028 йилгача мўлжалланган шартнома имзолайди. Янги битим аллақачон келишиб олинган - томонлар кичик тафсилотларни ҳал қилишлари ва ҳужжатларни имзолашлари керак.

Милитао "Реал"га 2019 йилнинг ёзида келиб қўшилганди. Мадрид клуби уни “Порту”дан 50 миллион еврога сотиб олганди ва бразилиялик футболчи “Реал” тарихидаги энг қиммат ҳимоячига айланганди.

Жорий мавсумда Эдер "Реал Мадрид" сафида 50 та ўйин ўтказди (уларнинг барчасида асосий таркибда майдонга тушган) ва 2 та гол урди. Ҳимоячи мадридликлар билан Чемпионлар лигаси, икки марта Испания чемпионлиги ва икки марта Испания Суперкубогини қўлга киритди.