“Милан” сўнгги 5 учрашувнинг 3 тасида мағлуб бўлди

“Россонери”лар барча турнирларни қўшиб ҳисоблаганда сўнгги 5 та баҳснинг 3 тасида мағлуб бўлишди. Илгари Пиоли жамоаси “Аталанта” (0:3) ва “Интер”га (1:2) мағлуб бўлиб, кейин иккита беллашувда (“Болонья”-2:1, “Кротоне” 4:0) ғолиб чиққанди.

“Милан” кейинги беллашувини сафарда “Црвена Звезда”га (18 февраль) қарши ўтказса, сўнгра “Интер”ни (21 февраль) қабул қилади.

Айни пайтда миланликлар А серия турнир жадвалида 49 очко билан пешқадамлик қилишмоқда. Улардан бир ўйин кам ўтказган “Интер” 47 очко билан иккинчи поғонани банд этган. Бугун Конте жамоаси “Лацио”ни мағлуб эта олса, А серия пешқадамлиги Милан шаҳрининг бошқа бир жамоасига ўтиши мумкин.