RU

Последние новости

08:31Криштиану Роналду Португалиянинг Миллатлар лигаси финалидаги ғалабаси ҳақида фикр билдирди  1 08:03ЦСКАни бошқариш учун иккита номзод бор  1 07:35ПСЖ футболчиси Испания — Португалия учрашувида энг яхши бўлди  1 07:09Неъматилло Қуттибоев: "Арислан Юсупбаев ва Аъзамжон Алиевларда жароҳат бор"  0 02:47Португалия — УЕФА Миллатлар лигаси соҳиби! Португаллар финалда испанларни пенальтилар серияси орқали мағлуб этишди  153 00:51Забарний "Борнмут"га ПСЖга ўтмоқчи эканини айтди, ҳимоячи учун 70 млн евро талаб қилишмоқда  1 00:25"Манчестер Сити"нинг 70 млн евролик бўлажак трансфери тиббий кўрикдан ўтди  2 23:50Жоб Беллингемнинг янги клуби маълум  0 23:22"Байер" Вирцни 140 млн евро эвазига "Ливерпуль"га сотадими?  2 22:35Қатар терма жамоаси Тошкентга етиб келди  7 22:15Ўртоқлик ўйини. Ўзбекистон ва Россиянинг 21 ёшгача бўлган жамоалари ўртасидаги ўйинда 9 та гол урилди  45 22:10Ўзбекистон кубоги. "Динамо" 1/8 финалнинг илк ўйинида "Лочин"ни тор-мор этди  14 21:43Ўзбекистон терма жамоасининг бугунги машғулотидан ФОТОГАЛЕРЕЯ  0 21:34Аарон Ремзи фаолиятини Мексикада давом эттиради  1 21:10Абдулла Абдуллаев: "Энди янада юқори мақсадлар қўйиб, мундиалда яхши натижалар қайд этишга ҳаракат қиламиз"  11

Мигель Альварес: "Ўйиндаги ҳисоб буткул бошқача бўлиши ҳам мумкин эди" Новости

Мигель Альварес: "Ўйиндаги ҳисоб буткул бошқача бўлиши ҳам мумкин эди"

Coca-Cola Суперлиганинг 20-туридан ўрин олган "Қўқон-1912" - "Сурхон" (2:3) учрашувидан сўнг меҳмонлар бош мураббийи Мигель Альварес матбуот анжуманида иштирок этди.




Ўйин ҳақида

- Жуда чиройли ўйин бўлди. Аввало "Қўқон-1912" жамоасига навбатдаги ўйинларда омад тилайман. Бугун ўзбек футболидаги ёрқин учрашувлардан бирига гувоҳ бўлдик. Барчаси аъло даражада эди, ўйин сифати ҳам, стадионда мухлислар яратган атмосфера ҳам.

Бу ўйин биз учун жуда муҳим эди. Ғалабадан кейин тўхтаб қолмаймиз ва олдинга интилишда давом этамиз. Бугунги ғалабамиз билан "Сурхон" клубининг барча вакилларини, ишчи-ходимлар, футболчилар, мураббийлар штаби ва умуман жамоанинг барча аъзоларини табриклайман. Бизни қўллаб-қувватлаб келаётган мухлислардан ҳамиша миннатдормиз.

Олдинда тур учрашувлари бизни кутиб турибди. Қадам ба-қадам ўйиндан-ўйинга ўсиб борамиз. Бундан ташқари ўтган ўйинлар билан таққосласак, бугунги учрашувни бошқариб бораётган ҳакамлар ҳам жуда яхши ишлаганликларини эътироф этиш жоиз.  

- Учрашувнинг сўнги 10 дақиқаларида жамоангиз камбекка эришди. Бунда мезбонларнинг хатоси нимада бўлди деб ҳисоблайсиз?

- Бугун "Қўқон-1912" ёмон ўйин кўрсатгани йўқ. Гувоҳи бўлдингиз, мезбонларда вазиятлар кўпроқ ҳам эди. Ўйиндаги ҳисоб буткул бошқача бўлиши ҳам мумкин эди. Биз ўйиндан олдин рақибни жуда яхши ўрганиб чиққандик. Бундан ташқари мен ўйиннинг боришидан келиб чиқиб тактик услубни бир оз ўзгартириб қўйдим. Жамоамиз футболчилари учрашув давомида худди аскар каби кураш олиб боришди. Шу каби омиллар, шунингдек иштиёқ сабаб якунда ғалабага эришдик.

- Ўйин давомида бирданига 3 та ўзгаришга қўл урдингиз. Ғалабага айнан шу ўзгаришлар сабаб бўлди деб ҳисоблайсизми?

- Йўқ, бундай деб ўйламаган бўлардим. Жамоада фақат 11 киши ўйнамайди. Бутун таркиб, масалан 18-20 нафар футболчи бизнинг ғалабамиз учун курашади. Бу ҳам қандайдир омил бўлиши мумкин, лекин асосий сабаб эмас.

- Олдинда жамоангизни кучли рақибларга қарши ўйинлар кутиб турибди. "Сурхон"ни Суперлигада қолиш имкониятларини қандай баҳолайсиз?

- Албатта, биз ҳар бир ўйинга бор имкониятимизни ишга солган холда тайёргарлик кўрамиз. Асосий мақсадимиз жамоани Суперлигада сақлаб қолиш. Ҳозир рақиб ким эканини ўйлайдиган палла эмас, биз ҳар бир ўйинда ўз имкониятларимиздан максимал тарзда фойдаланишга ҳаракат қиламиз.

- "Сурхон" ҳомийлари жамоага яхши эътибор қаратса, келгусида сиз ва испаниялик мураббийлар штаби клубни янада кучайтириш мақсадларинг борми?

- Ҳозир асосий мақсад жамоани Суперлигада сақлаб қолиш. Нафақат испаниялик, балки маҳаллий мураббийларимиз билан ҳам биз бир оиладекмиз. Албатта жамоани келгусида янада кучли бўлиб шаклланишига ўз ҳиссамизни қўшишни мақсад қилганмиз.

Рейтинг: +13   

Комментарии

championat.asia
< посмотреть последние новости
Яндекс.Метрика