"Металлург"даги "снайпер" ҳақида
11 мая 2022 00:13
Новости

"Металлург"даги "снайпер" ҳақида

Теги : Дамир Темиров Металлург

Луисма Эрнандес бошчилигидаги "Металлург" бугун Суперлиганинг 8-турида Тошкентда "Бунёдкор" меҳмони бўлди.

Бунедкор

Умарали Рахмоналиев - 18'

Суперлига. Тур 8

10/05/2022, 19:00

Завершен

Металлург

Дамир Темиров - 67'

45'

90'

Открыть в Матч-Центре

Меҳмонлар ўйинда бир киши кам бўлиб ўйнаган бўлса ҳам, якунда ҳисобда ортда бораётиб мувозанатни тиклашга эришди ва ҳақли 1 очкога эга чиқди. Мағлубиятдан қутқариб қолган гол муаллифи эса Дамир Темировдир. Аллақачон жамоанинг муҳим бўлагига айланган ушбу футболчи ҳақида гаплашамиз.

1998 йилда туғилган ярим ҳимоячи ўтган мавсумнинг бошида "Металлург" билан шартнома имзолаганди. Қайсидир маънода мазкур трансфер ҳозига қадар ўзини оқламоқда, дея оламиз. Дамир Темиров 2021 йилда Суперлигада 25та учрашувда майдонга тушди ва ўз ҳисобига 4та гол, 1та ассист ёздириб қўйди. Шу билан бирга жамоанинг энг яхши тўпурарига сифатида қайд этилди. Кейинги ўринларда Шаҳзод Нурматов ва Зоҳид Абдуллаев 3тадан гол.

8-тур. "Локомотив" - "Металлург" 1:3
Голлар: Дамир Темиров 18, Шаҳзод Ғофурбеков 77, Шаҳзод Ғофурбеков 80
11-тур. "Металлург" - "Навбаҳор" 2:2
Голлар: Дамир Темиров 26, Шаҳзод Ғофурбеков (ассист Дамир Темиров)
18-тур. "Андижон" - "Металлург" 1:2
Голлар: Дамир Темиров 87, Иван Нагаев
21-тур. "Металлург" - "Локомотив" 1:2
Гол: Дамир Темиров (пен) 42

Жорий йил ҳисобидан у учинчи маротаба "қутқарувчи" вазифасини бажарди. 2-турда сафарда "Насаф" билан баҳснинг сўнгги дақиқаларида Аброр Тошқўзиевнинг голига ассистентлик қилган бўлса, "Бунёдкор"нинг эса уйда ғалабани нишонлашига йўл қўйгани йўқ. Ўзбекистон кубогида "Сурхон"га урган суперголи 1:0 ҳисобидаги ғалабани таъминлади. Умумий қилиб айтганда Дамир Темиров борган сари "Металлург"нинг "снайпери"га, бекободлик мухлисларнинг ёқимтойига айланиб боряпти.

Футболчи бугунги учрашувдан сўнг қуйидаги фикрларни билдириб ўтди.

— Ғалабага тенг дуранг десак ҳам бўлади. Бир киши кам бўлиб қолганимиздан сўнг иложи борича гол ўтказиб юбормасликни ўйладик. Чунки бундай паллада биргина хато қимматга тушиши мумкин. Агарда иккинчи голни ўтказиб юборганимизда ҳаммаси тугар эди. Йигитлар билан бирлашиб ҳаракат қилдик. Биз кутган натижа эмас, бироқ қониқиш ҳосил қилдик.