Месси ва Рамоссиз қолган Ла Лига. Испания чемпионатининг 2021/22 йилги мавсумидан нималарни кутишимиз мумкин?
13 авг 2021 16:04
Новости
![](https://championat.asia/upload/storage/652481_original.jpg)
![](/upload/storage/652481_220.jpg)
Месси ва Рамоссиз қолган Ла Лига. Испания чемпионатининг 2021/22 йилги мавсумидан нималарни кутишимиз мумкин?
ЛА ЛИГАДА ЯНГИ МАВСУМДА КИМЛАР ЧЕМПИОНЛИК УЧУН КУРАШАДИ?
Янги мавсумда чемпионлик учун доимгидек "Реал", "Барселона" ва "Атлетико" жамоалари курашади. Тўғри, "Севилья" ҳам бор, аммо уларнинг охиригача титул учун кураша олишларига ишониш қийин.
Тўғридан-тўғри чемпионлик учун кураш имкониятларига келсак, бу ерда Каталония грандининг имкониятлари нисбатан пастроқ. Мессининг кетиши жамоани анча кучсизлантиради. Бундан ташқари жамоанинг молиявий муаммолари ҳам катта ва бу тезда ҳал бўладиган масала эмас. Клуб айни дамда Бускетс, Альба ва Пике каби жамоа "қария"лари билан маошларни тушириш борасида осон бўлмаган музокараларни ўтказмоқда, агар улар бунга кўнишмаса, камида индинга бўлиб ўтадиган "Реал Сосьедад"га қарши ўйинда Депай ва Эрик Гарсия каби янги ўйинчиларни кўра олмаймиз, аниқроғи клуб уларни рўйхатдан ўтказа олмайди. Бу шунчаки мавсум олдидаги муаммо, ҳали йил давомида "Барселона"ни бундай муаммолар тарк этмайди. Жамоа Ла Лиганинг 2021/22 йилги мавсумини ютиши эса анча қийин масала.
"Реал" эса Серхио Рамос ва Рафаэль Варандан айрилган бўлишига қарамай, ўз таркибини "Бавария" собиқ ҳимоячиси Давид Алаба билан кучайтириб олди. Австриялик футболчи янги мавсумда марказий ҳимояда Эдер Милитао билан тандем ҳосил қилиши мумкин. Қолган чизиқлар ўша-ўша, Анчелотти жамоасига ижарадан Гарет Бэйл, Мартин Эдегор, Хесус Вальехо ва Дани Себальос келиб қўшилди. "Қироллик клуби"нинг чемпионлик учун имкониятлари ёмон эмас.
"Атлетико" эса "Барселона" ва "Реал"дек жамоалари бор Ла Лигани кетма-кет икки бор ютиши мўжизадек туюлиши мумкин, аммо буни ҳозир амалга ошириш мумкин. "Матрасчилар"да пул кўп эмас, аммо молиявий муаммолар ҳам деярли йўқ, сабаби жамоада катта маош оладиган ўйинчилар кам. Диего Симеоне 35 миллион евро эвазига "Удинезе" таркибидаги ватандоши Родриго Де Паулни Мадридга олиб келди. Шунингдек, "Флуминенсе"дан эркин агент мақомида 20 ёшли Маркус Пауло олиб келинди. Клуб шунингдек марказий ҳужумчини трансфер қилишга қаттиқ аҳд қилган, "Атлетико" яқинда "Фиорентина"га Душан Влаховичнинг трансфери бўйича 50 млн евролик таклиф юборди. Клубни ушбу трансфер ойнасида асосий ўйинчилардан ҳеч ким тарк этмади, гарчи Саулнинг кетиши борасида кўплаб миш-мишлар тарқалган бўлсада. Бош мураббий Диего Симеоне эса мавсум олдидан шартномасини узайтирди, унда раҳбарият, футболчилар ва мухлислар томонидан катта қўллаб-қувватланиш бор. "Атлетико" шуларни ҳисобга олса, янги мавсумда ҳам чемпионат кубогини боши узра баланд кўтариши мумкин.
"Севилья" ҳам ушбу трансфер ойнасида таркиб ўзагини сақлаб қола олди. Фақатгина гранд клублар томонидан талабга эга бўлаётган Жюль Кунде бошқа жамоага ўтиши мумкин ва севильяликлар унинг трансферидан камида 60-70 миллион евро ишлаб олишади. Ўтган мавсумни "Эйбар"да ижарада ўтказган ёш ва иқтидорли Брайан Хиль "Тоттенхэм"га йўл олди, "шпорлар"нинг унинг келиши учун Эрик Ламела ва 25 миллион евродан воз кечишди. Андалусия жамоасининг тўртинчи ўринни олишини тахмин қилиш мумкин.
ИСПАНИЯ КЛУБЛАРИДАГИ ОҒИР МОЛИЯВИЙ ҲОЛАТ
Оғир молиявий ҳолат сабаб янги футболчиларнинг рўйхатдан ўтказа олмайдиган фақат "Барселона" эмас. Улар 15талаб (!). Ла Лигада иштирок этаётган "Алавес", "Валенсия", "Бетис", "Леванте" ва "Сельта"да ҳам шундай муаммо. Испания клубларининг АПЛ клубларидаги каби чет эллик бой раҳбарлари йўқ, аммо "Вильярреал" ва "Севилья" каби бюджети катта бўлмаган клублар ҳам Европа Лигасининг сўнгги икки йилида "Манчестер Юнайтед", "Арсенал" ва "Интер" жамоалари мағлуб этди ва Европа Лигасини қўлга киритди, бу эса футболда фақат пул ҳаммасини ҳал қила олмаслигини кўрсатди. Яқинда ўтказилган УЕФА Суперкубогида ҳам ўтган йили Испанияда 7-ўринни қўлга киритган камтаргина "Вильярреал" ҳам Чемпионлар Лигасининг амалдаги ғолиби ("Челси") билан ўйинда пенальтилар сериясидагина имкониятни бой бергани ҳам бунга исбот бўла олади.
ҚОЛГАН ЖАМОАЛАРДА АҲВОЛ ҚАНДАЙ?
"Атлетик": Марселиньо ўтган мавсумнинг иккинчи қисмида "Атлетик"га келдию, басклар ажойиб ўйинлар намойиш этишни бошлашди. Бильбаодаги "Сан Мамес" номли ажойиб стадионга эга бу клуб ўтган мавсумнинг сўнггида кўрсатган ўйинини намойиш этса, улардан кўп нарса кутиш хато бўлмайди.
"Бетис": Мануэль Пеллегрини жамоаси ҳам анойилардан эмас. Гарчи ўтган мавсумни бир текис ўтказа олмаган бўлса ҳам, "Бетис"да яхши футболчилардан иборат жамоа йиғилган. Яқинда мавсум олди тайёргарлик доирасидаги "Рома" (Элдор Шомуродов гол урган ўйин)га қарши баҳсда ҳам севильяликлар римликларга умуман имконият қолдиришмади. Жамоа мавсумлар оралиғида Набиль Фекир, Борха Иглесиас, Уильям Карвалью ва Серхио Каналес каби етакчиларини сақлаб қола олди.
"Реал Сосьедад": Ушбу жамоа учун ўтган мавсум жуда ҳам муваффақиятли якунланди десак бўлади. Еврокубокда катта натижага эриша олмаган бўлса ҳам, сан-себастьянликлар Ла Лигада 5-ўринни қўлга киритишди. Жамоада юқори даражадаги ўйинчилар етарли: Асьер Ильярраменди, Микел Мерино, Микель Оярсабаль, Аднан Янузай, Александр Исак, Начо Монреаль ва Давид Силва. Таркибга яқиндагина австралиялик дарвозабон Мэттью Райан ҳам келиб қўшилди.
"Валенсия": "Кўршапалаклар"дан ушбу мавсум ҳам ижобий натижалар кутиш ноўринга ўхшамоқда. Питер Лим "шарофати" билан жамоа молиявий муаммолар қуршовида қолиб кетган. Жамоани эса ўтган мавсумда "Хетафе"да ишлаган Хосе Бордалас бошқармоқда ва янги мавсум олдидан янги футболчилар харид қилинмади. Мутахассис эса жамоага ўз ўйин услубини сингдириши учун вақт керак.
"Вильярреал". Мухлисларнинг Унаи Эмери жамоасидан амалдаги Европа Лигаси ғолиби сифатида янги мавсумдан умидлари катта. Жамоа етакчиларидан бири ва Испания терма жамоаси ҳужумчиси Жерар Морено клуб билан шартномаси 2027 (!) йилгача узайтирди ва деярли фаолиятининг сўнггига қадар клубда қолиши маълум бўлди. Ёш Пау Торресга эса даъвогарлар етарлича, Европа топ-клублари тез-тез ушбу футболчига қизиқиш билдиришмоқда. Умуман олганда, "сариқ сувости кемас"да молиявий ҳолат ҳам, ички муҳит ҳам ўз ўрнида. Эмери жамоаси ҳам юқори ўринлар учун курашадиган клубга айланиб бормоқда.
Ла Лига клубларида ёзги трансфер ойнасида кимлар келди-ю, кимлар кетди?
"Атлетико"
Келганлар: Родриго Де Пауль, Маркос Пауло, Франциско Монтеро, Сантяьго Ариас, Ману Санчес, Иван Шапонич
Кетганлар: Витоло, Лукас Торрейра, Мусса Дембеле
"Барселона:
Келганлар: Эмерсон, Эрик Гарсия, Серхио Агуэро, Мемфис Депай
Кетганлар: Жуниор Фирпо, Жан-Клер Тодибо, Карлес Аленья, Лионель Месси, Матеус Фернандес, Хуан Миранда, Франциско Тринкао
"Реал":
Келганлар: Давид Алаба, Хесус Вальехо, Дани Себальос, Гарет Бэйл, Лука Йович
Кетганлар: Браим Диас, Серхио Рамос, Такефуса Кубо
"Севилья"
Келганлар: Эрик Ламела, Марко Дмитрович, Уссама Идрисси, Рони Лопес
Кетганлар: Брайан Хиль, Серхи Гомес, Франко Васкес, Томас Вацлик, Серхио Эскудеро, Алеиш Видаль
"Реал Сосьедад"
Келганлар: Меттью Райан, Виллиан Жозе
Кетганлар: Мигел Анхель Мойя
"Вильярреал"
Келганлар: Хуан Фойт, Булайе Диа, Аисса Манди
Кетганлар: Фунес Мори, Карлос Бакка
"Бетис"
Келганлар: Хуан Миранда, Юсуф Сабали, Руи Силва
Кетганлар: Эмерсон
"Атлетик"
Ушбу жамоа таркибида катта ўзгариш бўлмади
"Гранада"
Келганлар: Карлос Бакка
Кетганлар: Роберто Сольдадо, Руи Силва, Хесус Вальехо, Янхель Эррера, Кенеди
"Сельта"
Келганлар: Хави Галан, Франко Черви
Кетганлар: Жейсон Мурильо
"Кадис"
Келганлар: Виктор Чуст
Кетганлар: Иван Шапонич
"Эспаньол"
Келганлар: Серхи Гомес
"Осасуна"
Келганлар: Анте Будимир
Кетганлар: Ману Санчес
"Леванте"
Келганлар: Роберто Сольдадо
"Валенсия"
Кетганлар: Кевин Гамейро, Эльяким Мангаля, Патрик Кутрон
"Хетафе":
Келганлар: Карлес Аленья, Витоло
Кетганлар: Такефуса Кубо
"Алавес":
Келганлар: Тони Мойя, Факундо Пеллистри
"Эльче"
Ушбу жамоа таркибида катта ўзгариш бўлмади
"Мальорка"
Келганлар: Такефуса Кубо
"Райо Вальекано"
Ушбу жамоа таркибида катта ўзгариш бўлмади
Бугун Тошкент вақти билан бошланадиган "Валенсия" - "Хетафе" ўйинини кўринг ва испан футболининг жозибасидан баҳра олинг!
Валенсия Карлос Солер - 11' |
Примера Дивизион . Тур 1 14/08/2021, 00:00 0
:
1
Завершен
|
Хетафе |
Стадион: Estadio Mestalla, 9868 зрителей
Главный судья: Jesus Gil
Похожие новости
![AMP Logo](https://championat.asia/image/logo-amp.png)
Комментарии