Месси ва "Барселона" ўртасидаги сир ошкор бўлди

Янги келишув 2021 йилнинг ёзида якунига етади. Football Leaks сайти аргентиналик ва Каталония клуби ўртасида тузилган шартноманинг сир тутилган бандларини эълон қилди. Маълумотларга кўра, Месси 4 йил ичида ярим миллиард евро пул топиши мумкин экан.

- Мессининг шартномаси - бу учта битим. Биринчиси футболчининг ўзи билан (отаси Хорхе Месси томонидан имзоланган), иккинчиси - Leo Messi Management S. L. билан (футболчининг имиж ҳуқуқига эгалик қилувчи компания), учинчиси - Мессининг хайрия фонди билан.

- Агар Месси шартномада кўрсатилган барча йилларда клуб сафида тўп тепса, ҳар мавсум учун 106 млн. евродан олади. Агар "Барселона" требл қайд этса, Месси эса ФИФА талқинига кўра йилнинг энг яхши футболчиси деб топилса, бундай супер муваффақиятли мавсум учун 122,5 млн. евро даромад топади. Мессининг маоши "Барселона" футболчиларган бераётган пулларнинг 40%ни ташкил қилиши мумкин.

- Месси солиқдаги қарзларини тўлаши учун "Барселона" унга қўшимча пул беради. Аввалги келишув бўйича бу пуллар бонус тариқасида (23,1 млн. евро) берилган. Янги келишув бўйича, бу Месси маошининг бир қисми.

- 2013 йилда "Реал" Мессини 250 млн. еврога харид қилмоқчи бўлган, Флорентино Перес ва Месси оиласи билан музокаралар осмонда, учаётган самолёт ичида ўтиши керак эди. "Барселона" Лионелнинг маошини кўтарганидан сўнг, у жамоада қолди.

- Хорхе Месси трансфер ойнасидаги катта ўзгаришларни кўриб, клубнинг хатларига жавоб бермади. Аслида, шартнома 2017 йилнинг 30 июнида имзоланиши керак эди. Натижада томонлар қўшимча музокаралар ўтказишди ва битим имзолангани ҳақида 25 ноябрда эълон қилишди. Футболчининг товон пули энди 700 млн. евро.