Месси, Пике, Иньеста ва Суарес бугун энг яхшиларни аниқлаш маросимида қатнашмайди
09 янв 2017 18:14
Новости

Месси, Пике, Иньеста ва Суарес бугун энг яхшиларни аниқлаш маросимида қатнашмайди

"Барселона" раҳбарияти клуб футболчилари Лионель Месси, Херард Пике, Андрес Иньеста, Луис Суареслар нега йилнинг энг яхши футболчисини аниқлаш маросимида иштирок этмаслиги ҳақида баёнот берди.

Клуб расмий сайтининг маълум қилишича, футболчилар "Атлетик"ка қарши бўладиган Испания Кубоги 1/8 финал жавоб учрашувига тайёрланишади. Биринчи баҳс бильбаоликларнинг 2:1 ҳисобидаги ғалабаси билан якунланган.

"Чоршанба куни бўладиган баҳсга яхшироқ тайёргарлик кўриш учун клуб футболчиларни Цюрихга юбормасликка қарор қилди. "Барселона" Жанни Инфантино бошчилигидаги ФИФАга миннатдорчилик билдиради. Клуб ФИФАни The Best Awars маросимида қўллаб-қувватлайди" - дейилади баёнотда.

Ссылка :

Источник : championat.com

Получайте новости прямо в Telegram!

Рейтинг: +5