Месси Жаҳон чемпионати финали унинг учун сўнггиси бўлишини тасдиқлади
14 дек 2022 12:59
Новости

Месси Жаҳон чемпионати финали унинг учун сўнггиси бўлишини тасдиқлади

Аргентина терма жамоаси ҳужумчиси Лионель Мессининг айтишича, Қатарда бўлиб ўтаётган мундиалнинг финал ўйини у учун охиргиси бўлади.

"Мен бунга эришганимдан жуда хурсандман. Мен Жаҳон чемпионатларидаги иштирокимни финалдаги сўнгги ўйинимни ўтказиш орқали якунлайман", – деди Месси.

Эслатиб ўтамиз, Аргентина терма жамоасининг Қатарда давом этаётган ЖЧ-2022 финалидаги рақиби бугун, 14 декабрь (Тошкент вақти билан 23:59 да бошланади) куни бўлиб ўтадиган Марокаш - Франция учрашувида аниқланади.

Агар Месси финалда иштирок этса, Жаҳон чемпионатларида ўтказилган ўйинлар сони бўйича барча футболчилар орасида биринчи ўринга чиқади. Ҳозир у германиялик Лотар Маттеус билан биринчи ўринни бўлишиб турибди (ҳар бири 25 тадан ўйин). Месси учун Қатардаги мусобақа фаолиятидаги бешинчи турнир бўлди.

Жаҳон чемпионати финали 18 декабрь куни бўлиб ўтади. У Тошкент вақти билан 20:00 да старт олади.

Ссылка :

Источник : Ole

Получайте новости прямо в Telegram!

Рейтинг: +19