Месси: "Италия футболи аввалгидек эмас"
25 ноя 2017 14:25
Новости

Месси: "Италия футболи аввалгидек эмас"

"Барселона" ва Аргентина терма жамоаси ҳужумчиси Лионель Месси 2018 йил Россияда бўлиб ўтадиган жаҳон чемпионатининг Италиясиз қандай тасаввур қилаётгани ҳақида гапирди.

"Италия футболи сўнгги бир неча йилда аввалгидек эмас ва ўйлашимча, бу фақат Италиянинг жаҳон чемпионатига чиқа олмагани билан боғлиқ эмас. Масалан, "Милан" ва "Интер" каби йирик клублар 10 йил аввалгидек эмас. Улар Чемпионлар лигасида ўйнашмаяпти ва бу бутун Италия футболига тегишли. Бундай жамоалар еврокубокларда ўйнаб, ўша ерда рақобатлашиши керак.

Италия ва Голлания жаҳон чемпионатига чиқа олмаслигини ҳеч ким кутмаган эди. Аммо бугун футболда хатто кичик жамоа ҳам ҳаётимизни қийинлаштириши мумкин.

Аргентина ЖЧга чиқиш учун роса қийнлади. Саралаш давомида бизда мураббийлар ўзгарди. Уларнинг ҳар бирига кўникиш осон эмас. Ҳар бир мураббийнинг ўз услуби бор. Сўнгги мураббий Сампаоли бўлди ва унинг қўл остида фақат тўртта саралаш учрашуви ва бир нечта ўртоқлик ўйини ўтказдик. Ривожланишда давом этишимиз керак, чунки футболда рақобатбардош жамоалар кўп ва ғалаба қозониш қийинлашиб бормоқда" - дейди Месси.

Ссылка :

Источник : Gazzetta dello Sport

Получайте новости прямо в Telegram!

Рейтинг: +10