Мексика терма жамоаси бош мураббийи ўз вазифасини тарк этди

Бу ҳақда мамлакат футбол федерацияси матбуот-хизмати маълум қилди.

Олдинроқ, бир қатор нашрлар мутахассис Мексика футбол федерацияси билан шартномани узайтирмаслиги ҳақида ёзган эди. Осорио 2015 йилда жамоа бош мураббийига айланган. Унинг қўл остидаги жамоа Россиядаги жаҳон чемпионатида 1/8 финалгача етиб борди ва бу босқичда Бразилияга 0:2 ҳисобида мағлуб бўлиб, турнирни тарк этди.

"Мексика терма жамоасидаги меҳнатлари учун Осориога миннатдорчилик билдирамиз. Шу билан бирга унинг миллий жамоадаги фаолиятини якунлашда самимийлиги ва ростгўйлигини қадрлаймиз" - дейилади матбуот-хизмати баёнотида.