Меҳрибонлик уйи тарбияланувчилари ўртасида турнир ўтказилди

Турнирда 4 жамоа ғолиблик учун кураш олиб борди.

Биринчи ярим финалда SOS Болалар шаҳарчаси ва 30-сонли Меҳрибонлик уйи ўзаро ўйнади. Унда 4:3 ҳисобида SOS Болалар шаҳарчаси ғалаба қозонди.

Иккинчи ярим финалда 23-сонли Меҳрибонлик уйи ҳамда А.П Хлебушкина номидаги 22-сонли Меҳрибонлик уйи ўзаро беллашди. Ушбу баҳсда 23-сонли Меҳрибонлик уйи 7:1 ҳисобида зафар қучди.

Учинчи ўрин учун бўлган ўйинда А.П Хлебушкина номидаги 22-сонли Меҳрибонлик уйи 30-сонли Меҳрибонлик уйини мағлуб этди.

Финал баҳсида 23-сонли Меҳрибонлик уйи SOS Болалар шаҳарчаси устидан 11-3 ҳисобида устун келиб биринчи ўринни эгаллади.

Турнирда иштирок этган Меҳрибонлик уйи тарбияланувчиларининг чиройли ўйин намойиш этишганини алоҳида таъкидлаш лозим.