Мбаппе Польшага қарши ўйиндан кейин жаримага тортилди
05 дек 2022 01:02
Новости

Мбаппе Польшага қарши ўйиндан кейин жаримага тортилди

Франциялик футболчи Килиан Мбаппе мундиал регламентини бузгани учун пул тўлайди.

Килиан Мбаппе Жаҳон чемпионати доирасида Франция - Польша учрашувининг энг яхши футболчиси совринни қўлга киритди ва регламентга кўра, матбуот анжуманида иштирок этиши керак эди. Бироқ Мбаппе бунга рад жавобини берди.

"Мен турнирга эътиборимни қаратишим лозим. Бир нарсага эътибор қаратганимда, бошқа нарсага куч сарфлашни истамайман. Шу боис матбуот анжуманига боришни хоҳламадим. Жаримани ўзим тўлайман. Федерация футболчиларнинг шахсий қарорлари учун пул тўламаслиги керак", - деди Мбаппе.

Эслатиб ўтамиз, Франция жаҳон чемпионатининг 1/8 финал босқичида Польшани 3:1 ҳисобида мағлуб этганди. Килиан Мбаппе иккита гол урди ва битта голли узатмани амалга оширди.

Ссылка :

Источник : France Football

Получайте новости прямо в Telegram!

Рейтинг: +17