Майдонга қайтган Роббен юбилей учрашувини ўтказди
04 мая 2019 22:27
Новости

Майдонга қайтган Роббен юбилей учрашувини ўтказди

Бундеслиганинг 32-турида «Бавария» клуби «Ганновер»ни қабул қилиб, 3:1 ҳисобида ғалабага эришди ва чемпионатдаги пешқадамлигини мустаҳкамлади.

Баҳснинг 86-дақиқасида Кингсли Коман ўрнига захирадан ўйинга қўшилган Арьен Роббен фаолиятидаги юбилей 700-баҳсида майдонга тушди. Роббен мазкур натижага ПСВ (75та ўйин), «Реал» (52), «Челси» (106), «“Бавария» (306) ҳамда Голландия терма жамоаси (96) сафидаги учрашувлари орқали эришди.

Қайд этиш жоизки, 35 ёшли яримҳимоячи ўтган йилнинг ноябрь ойидаги жарохатидан сўнг илк бор бугунги ўйинда кўриниш берди. У жорий мавсум мюнхенликлар сафида 15та ўйин ўтказиб, 5 бора рақиблар дарвозасини ишғол қилган.