Массемилиано Аллегри: “Дибалани Месси, Роналду ва Неймар билан тенглаштириш унга салбий таъсир қилди”

“Бизнинг у билан муносабатларимиз мутлақо ўзгармаган. Дибала уч йил илгари “Ювентус”га келган ва бу давр ичида яхшигина ўсишга эришди. “Ювентус”да унга жудаям ишонишади, чунки у жамоага кўп нарса бера олди. Ўйлашимча, унда янада ўсиш учун катта имкониятлар бор.

Мавсум бошида уни Неймар, Месси ва Роналду билан тенглаштиришлари бироз салбий таъсир ўтказди. Бахтимизга у ақлли йигит. У 24 ёшли футболчини 10 марта “Олтин тўп”ни ютган Месси ва Роналду билан тенглаштириб бўлмаслигини яхши тушунади. Паулони ким била тенглаштиришмасин, у ўз йўлида давом этиши лозим. Унинг ўзига хос иқтидори бор ва у ушбу сифатларини янада ошириш ҳақида ўйлаши лозим.

Гап фақат Дибала ҳақида эмас. Дибала бу энг катта муаммо ҳам эмас. Шундай йигитлар борки, майдонда ярим соат уйнайди ва унинг нархи аллақачон 40 миллионни ташкил этади”, дейди Аллегри.