"Машъал": Учинчи йиғин бошланди ва Иванов сафга қўшилди

Бу йиғин ҳам Янгиерда бошланди ва 3 февралгача давом этади. Бу галги машғулотлар асосан техникага ва амалиётга қаратилади. Шу боис бешта назорат баҳси бўлиб ўтиши режалаштирилган. Биринчи назорат баҳсини 25 январь куни "Оқ-тепа" стадионида "Андижон"га қарши бўлиб ўтади. Ундан ташқари яна бир неча ўртоқлик учрашувлари режалаштирилган бўлиб булар ҳақида расмий сайтимизда маълумот бериб борамиз.

Айни дамда бошланган машғулотларимизга россиялик легионер Владислав Иванов ҳам келиб қўшилди ва жамоа билан бирга шуғулланмоқда. Жамоамиз машғулотларида иштирок этган Шариф Мирзаев ва Обид Маматов навбатдаги йиғинимизга жалб этилмади. Ундан ташқари Шоҳжаҳон Қиличев, Мақсуд Маҳмудов, Сардор Абдураимов ҳам ўринбосарлар таркибига ўтказилди ва бу жамоа Қашқадарёдаги "Ҳоким кубоги-2015"да иштирок этади. Таркибда бошқа ўзгаришлар бўлмаган.