"Машъал" ўз тарихида учинчи бор дастлабки 2 турда 6 очко олди

Александр Хомяков бошчилигидаги жамоа илк турда "Навбаҳор"ни сафарда 2:0 ҳисобида мағлуб этишганди. Кеча "газчилар" "Андижон"ни ўз майдонларида худди шу ҳисобда таслим қилишди. Шу тариқа 6 очко тўплаган "Машъал" мусобақа жадвалида биринчи ўринга чиқиб олди.

Олий лигада ўзининг 15-мавсумини ўтказаётган жамоа бунга қадар икки бор дастлабки икки турда ғалаба қозона олган.

2005 йилни Муборак клуби сафарда "Қизилқум", ўз майдонида "Навбаҳор"ни мағлуб этиш билан бошлаган. Ўша йил жамоа учинчи турда ҳам уч очкога эга бўлган ("Сўғдиёна" мағлуб этилган). Тўртинчи турда эса "газчилар" "Бухоро"га сафарда ютқазиб қўйишган.

2007 йилги мавсумнинг дастлабки икки турида "Навбаҳор" ва "Бухоро" (сафарда) мағлуб этилган. 3-турда "Пахтакор" Муборакда дуранг ўйнаганди.

Демак, "Машъал" кейинги турда ғалабага эришса ўзининг 2005 йилдаги рекордини такрорлайди.

Маълумот учун, жамоа 3-турни Бекободда "Металлург" клубига қарши ўтказади.


Нарзулла Сайдуллаев