"Машъал" клуби дебютантларининг фикрлари

Шу куни мезбонлар сафида ўзинг дебют учрашувини ўтказган футболчилардан қисқача интервиюлар олдик.

САРДОР РАҲМОНОВ

Мен бу клубда дебют қилдим деб ҳис этмадим, чунки "Машъал" мен учун жуда қадрдон жамоа. Баҳс қизғин ўтди, мен учун учрашувнинг энг ёрқин ўйинчиси Жавоҳир Илёсов бўлди. Худо хохласа кейинги баҳсда албатта ғалабага эришамиз.



БОБУР ҚОСИМОВ

Дебют  ўйинимдан унчалик қониқмадим лекин менга ишониб асосий таркибда туширган тренерларга раҳмат айтаман келгуси ўйинларда бундан ҳам яхши ҳаракат қилиб жамоамиз билан мухлисларни хурсанд қилишга ҳаракат қиламиз.



АБДУЛЛОҲ ОЛИМОВ

Дастлабки турдаги мағлубиятимиз биринчи навбатда мухлисларимизни ранжитди. Ҳар қандай футбол мухлиси ўз жамоасининг ғалабасидан умид қилиб сўнгги дақиқаларгача баҳсни кузатади. Навбатдаги баҳс ҳам ўз майдонимизда бўлади, энди яна очко йўқотишга ҳаққимиз йўқ биз бу ўйинни ижобий ҳал этамиз худо хохласа.



АСИЛЖОН БЕГИМҚУЛОВ

Дебют баҳсим мен учун қониқарли бўлмади. Рақибимиз ҳам анча кучли жамоа “Локо” сафида терма жамоамизнинг энг кучли вакиллари бор, Мухлисларимизга раҳмат бизни яхши қўллаб қувватлаб туришди. Кейинги ўйинни фойдамизга ҳал қилишга ҳаракат қиламиз.



"Машъал" матбуот хизмати