"Машъал" бугун Янгиерда йиғилади. Таркибга Низом Норов келиб қўшилди

Жамоа аъзолари кеча Тошкентда тиббий кўрикдан ўтказилди. Жамоани ҳозирча биргина Рустам Аъзамов тарк этган.

Яқинда "газчилар" билан келишувга эришган Мўйдин Мамазулумов ҳам клуб ихтиёрига етиб келган. Шунингдек янги келганлардан Низом Норовни айтиш мумкин. Бу йилги мавсумда биринчи лига вакили "Чуст-Пахтакор"да тўпурарлик маҳоратини намойиш этган хужумчи кейинги йил катта эхтимол билан "Машъал" шарафини химоя қилади.

Бундан ташқари "Сўғдиёна"дан Сирож Ҳамроевнинг ҳам келиши кутилмоқда.