Март ойи бошида "Ал Аҳли" ёки "Ал Ҳилол" Тошкентга келади!
18 фев 00:58
Новости
Ҳозиргина "Ал Аҳли" жамоаси "Ал Гарафа" устидан ғалаба қозонди. Бу натижадан сўнг "Пахтакор" плей-офф йўлланмасини нақд қилди. Эртага "Истиқлол" ўз ўйинини ўтказади ва ушбу баҳс натижасига қараб "Пахтакор" якунда қайси ўринни эгаллаши маълум бўлади. Агар "Истиқлол" "Ал Райян" устидан ғалаба қозонса, "Пахтакор" саккизинчи ўринни эгаллайди. Эронликлар эртага дуранг ёки мағлубият қайд этадиган бўлишса, "Пахтакор" еттинчи ўрин билан плей-офф босқичига йўл олади.
Элит ОЧЛ регламентига кўра, ғарб минтақасида 1-ўринни эгаллаган жамоа шу минтақадаги 8-ўринни, 2-ўринни эгаллаган жамоа эса 7-ўринни эгаллаган клуб билан баҳс олиб боради. Жадвалнинг энг юқори иккита ўрнини "Ал Ҳилол" ва "Ал Аҳли" клублари эгаллаши аниқ. Юқорида таъкидланганидек, "Пахтакор" 7 ёки 8-ўрин билан плей-оффга йўл олади. Шундай экан, "Пахтакор"нинг плей-оффдаги рақиби ё "Ал Ҳилол" ёки "Ал Аҳли" бўлади.
Лига босқичида юқори ўринни олган жамоага устунлик бериш мақсадида ОФК плей-офф босқичининг илк учрашувини жадвалда пастроқ ўринни эгаллаган жамоа майдонида ўтказади. Яъни, "Пахтакор" плей-офф босқичининг илк учрашувида ўз майдонида ўйнайди. 1/16 финалнинг илк учрашувлари эса 3-4 март кунига белгиланган. Шундай қилиб, март ойи бошида Саудия Арабистони грандларидан бири Тошкентда меҳмон бўлади.
Похожие новости
championat.asia
Ўзбекистон Кубоги. "Насаф" "Пахтакор"га мағлуб бўлиб, гуруҳда қолиб кетди. "Лочин" бу сафар "Сурхон"ни мағлуб этиб, кейинги босқичга йўл олди
“Барселона“га қарши ўйинда ҳакам икки марта “Реал“ фойдасига қўпол хатога йўл қўйган — Archivo VAR
"Халқим учун "Олтин тўп"ни қўлга киритишни истардим" — Муҳаммад Салоҳ
Амалдаги чемпион ва кубок соҳиби Ўзбекистон кубоги гуруҳ босқичида қолиб кетди
Комментарии