Марсело Коэльо : "Биз оддий жамоа эмас, Япония билан ўйнадик"
13 фев 2016 18:37
Новости

Марсело Коэльо : "Биз оддий жамоа эмас, Япония билан ўйнадик"

Теги : [{"id":"27286""text":"\u0424\u0443\u0442\u0437\u0430\u043b"}]

Осиё чемпионати 2-туридан ўрин олган Малайзия - Япония учрашувидан сўнг бўлиб ўтган матбуот анжуманида Малайзия бош мураббийи Марсело Коэльо иштирок этди.

“Биз икки хил тайм ўтказдик. Биринчи бўлимда Япония Осиёнинг энг кучли жамоаси эканини кўрсатди ва 10та гол уриб буни исботлади. Биринчи бўлимда бунчалик бўлишини кутмагандик. Танаффус вақтида имкон қадар камроқ гол ўтказиш кераклигини айтдим. Иккинчи бўлимда жамоам бу нарсани уддалашга ҳаракат қилди. Бугун биз Осиёнинг энг кучли жамоасига қарши ўйнадик”, - дейди Марсело Коэльо.

- Биринчи бўлимда қор парчаларига ўхшаб сочилиб кетди. Шундайми?
- Албатта бу тўғри фикр. Ўйин бошидаги режаларимиз буткул парчаланиб кетди. Япония икки хил ўйин кўрсатди. Қатар билан баҳсда биттагина гол урганди, бугун эса 11та.

- Жамоаингиз йирик ҳисобда ютқазди лекин шундай бўлса ҳам шогирдларингиз ўйинида ижобий жиҳат кўрдингизми?
- Биринчи навбатда жамоамнинг охиригача кураш олиб боргани. Япония илк дақиқалардан қандай важоҳат билан майдонга тушганини кўрдик. Шогирдларим тўпни тепиб юбориб саросимага тушиб қолишмади. 3-4 та гол уриш имконияти ҳам бўлди.

- Бугун ўйиндан олдин берган интервьюингиз чоғида шогирдларим ўйинга руҳан тайёр деб айтгандингиз. Ҳисоб 1:11 бўлди, балки уларни руҳан тайёрлай олмагандирсиз?
- Баъзан руҳан тайёргарлик кучли бўлса ҳам ўйлаган ҳамма нарса ҳам амалга ошавермайди. Биринчи таймда рақиб 10та гол урди, иккинчи бўлимда 1та. Футзалчиларим руҳий жиҳатдан тайёр эди, биз ўртамиёна эмас жуда кучли жамоага қарши ўйнадик.

Нарзулла Сайдуллаев

Ссылка :

Источник : championat.asia

Получайте новости прямо в Telegram!

Рейтинг: