Марокаш бош мураббийи Ўзбекистон билан ўйиндан олдин нималар деди?

"Олдимда иккита ўртоқлик учрашуви бор эди, бу баҳсларда мен барча футболчиларни синовдан ўтказиб оламан. Ҳозирча учрашувга танланадиган таркиб борасида аниқ фикр билдира олмайман. Албатта, бугун Ўзбекистонга қарши ўйинда Сербия билан учрашувда захирада ўтирган футболчиларнинг хизматидан кўпроқ фойдаланаман", - деди Ренар.

Суратда: Эрве Ренар ва "Аякс" аъзоси Ҳаким Зийеч.

Бугунги учрашувда Франция фуқаролигига эга, Франциянинг турли ёшлардаги термаларида ўйнаган "Шальке-04"нинг 20 ёшли футболчиси Амин Харит, шунингдек, "Фейеноорд" футболчиси Яссин Аюб, Голландиянинг "Утрехт" жамоаси аъзоси Закария Лабьяд, 2018 йилги Африка Миллатлар кубогида порлаган Айюб Эл Кааби каби футболчилар асосий таркибда майдонга тушиши мумкин. Улар 24 март куни Сербияга қарши учрашувда майдонга тушмаган.

Марокаш терма жамоаси ЖЧ бошлангунига қадар Словакия ва Эстония термаларига қарши учрашувлар ўтказади.