Мане ва Суаресдан кўра яхшироқ натижа қайд этаётган Нуньес "Ливерпуль" мухлислари томонидан ҳам тролл қилинмоқда

Мавсумнинг бошиданоқ у нафақат "Сити" мухлислари, балки, эндиликда "Ливерпуль" мухлислари томонидан ҳам тролл остига олинмоқда. Аслида барчаси йўқ жойдан бўлган четлатиш ва дисквалифкациядан бошланган, энди эса муаммо реализацияга ҳам ўтиб кетди. Аслида Дарвиннинг голлари ҳозиргидан анчагина кўпроқ бўлиши керак эди.

Бироқ статистика Дарвиннинг унчалик ёмон эмаслигини кўрсатмоқда - у 23 ўйинда 10 бора рақиблари дарвозасига йўл топди. Шу орқали у деярли ҳар икки ўйинда гол урмоқда.

Таққослаш учун - "Ливерпуль" таркибидаги дастлабки 23 ўйинда Луис Суарес 9 гол урган, ўз навбатида жамоа афсонаси Садио Мане ҳам шунча натижа қайд этган.