Манданда - Франция чемпионатининг сентябрь ойидаги энг яхши футболчи, Неймар иккинчи
24 окт 2017 13:28
Новости

Манданда - Франция чемпионатининг сентябрь ойидаги энг яхши футболчи, Неймар иккинчи

"Марсель" дарвозабони Стив Манданда Франция чемпионатининг сентябрь ойидаги энг яхши футболчиси деб топилди.

Овоз бериш Франция профессионал футболчилар иттифоқининг сайтида бўлиб ўтди.

Мандада 47% овоз тўплади. Иккинчи ўрин ПСЖ ҳужумчиси Неймарга (37%), учничи ўрин эса "Бордо" форварди Малкомга (16%) насиб этди.

Манданда сентябрь ойида Франция чемпионатининг 2та учрашувида майдонга тушиб, 3та гол ўтказиб юборди. Неймар эса 3та учрашувда 3та гол урди ва 2та голли пас берди.

Август ойида "Монако" ҳужумчиси Радамель Фалькао энг яхши деб топилганди.