“Манчини терма жамоа учун тўғри танлов”
28 дек 2019 00:35
Новости

“Манчини терма жамоа учун тўғри танлов”

Италия футбол федерацияси президенти Габриэле Гравина терма жамоа бош мураббийи Роберто Манчинининг мамлакат бош жамоаси рулидаги хизматларини эътироф этди.

“Манчини Италия терма жамоаси учун тўғри танлов бўлганини тезда тушуниб етди. Ёш иқтидорли футболчиларни потенциалидан унумли фойдаланиб, уларни чиройли футбол ўйнашга йўналтириши - мураббий билан ғояларимиз муштарак эканлигидан далолат беради. Италия футболининг яқин 9-10 йиллик ривожланиш дастури бор”, дея Гравинанинг сўзларидан иқтибос келтирмоқда Sky Sport Italia.

Эслатиб ўтамиз, илгарироқ Манчини тарихий натижага эришган эди. У Италия терма жамоаси билан қаторасига 11 та учрашувда ғолиб чиққан илк мураббийга айланди. Манчини қўли остида Италия терма жамоаси Евро-2020 саралаш босқичидан муваффақиятли ўтиб, мусобақанинг финал босқичига йўл олди.

Ссылка :

Источник : Sky Sport Italia

Получайте новости прямо в Telegram!

Рейтинг: +3