“Манчестер Сити” посбони: “Менда ҳаммаси жойида”

Бироз илгари футболчи Твиттердаги ижтимоий саҳифасида соғлиғи билан боғлиқ ҳолатга изоҳ берди: “Салом, менда ҳаммаси жойида. Бугун жуда муҳим ғалабага эришдик. Биз кучлимиз. Менга СМС жўнатган барчага раҳмат”, дея ёзиб қолдирди Эдерсон ўз саҳифасида.

Бразилиялик посбон биринчи бўлим охирида тўп учун курашда “Ливерпул” ҳужумчиси Мане билан тўқнашиб кетди, аниқроғи тўпга эгалик қилишни истаган африкалик футболчи бутсаси билан дарвозабонинг юзига кучли зарба йўллади. Натижада Эдерсон бир муддат майдонда қолди ва кейинчалик шифокорлар уни замбилда олиб чиқиб кетишди.
маълум бўлишича, бахтли тасодиф туфайли футболчининг бошига жиддий шикаст етмаган. Уни майдондан шифохонага эмас, балки “Манчестер Сити” машғулотлар базасидаги тиббий марказга олиб кетишган.