“Ман Сити” 68 млн евролик трансферини эълон қилди

“Манчестер Сити” расман “Бенфика”дан ҳимоячи Рубен Диашни сотиб олганини эълон қилди. Клуб матбуот хизмати хабарига кўра, Диаш билан 2026 йил ёзига қадар келишув имзоланган. У жамоада 3-рақам остида ҳаракат қилади.

Аввалроқ “Сити” футболчи учун “Бенфика”да 68 млн евро тўлаши хабар қилинганди. “Бенфика” эса ўз навбатида “шаҳарликлар”дан 15 млн евро эвазига Николас Отамендини сотиб олди.

Диаш “Ман Сити”нинг жорий трансферлар ойнасидаги учинчи хариди бўлди. Аввалроқ клуб Ферран Торрес ҳамда Натан Акеларни сотиб олганди.