Максим Шацких: "Пахтакор"нинг қонида чемпионлик бор"

Пахтакор Достонбек Хамдамов - 5', Хожиакбар Алижонов - 48'

Суперлига. Тур 24 02/11/2022, 18:30 0 : 2 Завершен

Согдиана

45'

90'

5'  Достонбек Хамдамов

5'  Сардор Собирходжаев

39'  Азизбек Тургунбаев

48'  Хожиакбар Алижонов

48'  Одилжон Хамробеков

67'  Шахзод Азмиддинов (Олександр Насонов)

85'  Одилжон Хамробеков (Икрам Алибаев)

89'  Сардор Собирходжаев (Мухаммадали Уринбоев)

19'  Искандар Шайкулов

55'  Лука Чермель (Хислат Халилов)

58'  Шохруз Норхонов (Самандар Мавлонкулов)

75'  Абдужалил Маназаров (Аюбхон Номанов)

75'  Джасур Хасанов О (Баходир Насимов)

75'  Искандар Шайкулов (Юре Обшивач)

Открыть в Матч-Центре

"Сўғдиёна" билан беллашувдан кейин "Пахтакор" бош мураббийи матбуот анжуманида ўйин ҳақида фикрларини айтиб ўтди.

- Ўйиндан қониқдим. Машғулотларда ишланган ҳолатларни бажара олдик. Биринчи бўлимнинг ўзида кўплаб вазиятлар яратдик, ўйин тақдирини ҳал қилиш учун имкониятимиз бор эди. Иккинчи бўлимда ҳам тезкор гол уриб, назоратни сақлаб турдик. Нафақат натижа, балки намойиш этилган футболдан ҳам кўнглим тўлди. Яхши савияда ўйнадик.

- Марказий ҳимоячиларнинг ўйинидан қанчалик қониқяпсиз? Бунгача Аъзамов ўйнарди ва у биринчи пас беришда яхши эди. Ҳозирги ҳимоячиларга қандай баҳо берасиз?

- Уларни солиштириш нотўғри. Ҳимоячиларимизнинг барчаси турлича. Ҳозир Достон ва Шаҳзод марказда ишончли ўйнашмоқда. Уларга эътироз йўқ. Шерзодга эса тезроқ тузалиб сафга қайтишини тилайман. Рақобат ва танлов имкониятининг борлиги доим яхши.

- Насонов ва Мартинович бошқа ҳимоячиларга рақобатда ютқазишдими?

- Уларда ҳеч қандай муаммо йўқ. Ҳар бир рақибга алоҳида тайёрланамиз. Айни пайтда ҳимоячиларни алмаштиришдан маъно кўрмаяпман. Футболда асосий таркибга 15 эмас, 11 ўйинчини кирита оламиз.

- Ҳозир учта клуб чемпионлик учун курашмоқда. Сиз табиийки биринчи йилдаёқ чемпион бўлишни истайсиз. Аммо қайси хатолар туфайли муҳим очколар йўқотилгани таҳлил қилиндими? Кейинги йилга селекция ишлари бошландими? Кимлар келади?

- Кимлар келишини кейинги йил биламиз. Янги мавсумда клуб яхши томонга ўзгаради. Келаси йил бошқача, кучлироқ "Пахтакор"ни кўрасиз. Машғулот ва янги мураббийнинг футболига кўникиш учун ҳаммага вақт керак бўлади. "Пахтакор" ўзбек футболининг етакчиси. Биз ҳар доим энг яхшиси бўлиш ва исталган рақибни мағлуб этишга қодир бўлишимиз керак.

Фақат ишламаган одам хато қилмайди. Хатоларни албатта таҳлил қилдик, баъзи ўйинларда тўп шунчаки дарвозага киришни хоҳламади.

Олдимизда яна икки учрашув бор. Уларда ҳам зафар қучиб, курашни охиригача давом эттирамиз. "Пахтакор"нинг қонида чемпионлик бор.

- Бир неча йил олдин "Пахтакор"да иккита тенг таркиб бор эди, ҳозир эса вазият ўзгача. Айни дамда ротация бўйича муаммолар борми?

- Албатта бор. Захира ўриндиғини кўриб турибсизку. Қийин. Истаганимизча футболчилар йўқ. Мавсум якунини кутамиз. Кимдир кетади, кимлардир келади. Ҳаёт шунақа. Айни дамда ўйинни кучайтирадиганлар кам, баъзилар жароҳат олган.