RU

Последние новости

17:12"Манчестер Юнайтед" футболчиси Instagram ва Facebook'даги барча суратларни ўчириб ташлади. Мухлислар уни бунга мажбур қилди  1 16:45Футзал. Ўзбекистон - Шарқий Тимор 7:1  3 16:14"Барселона" Ҳоландга кўз тикди  4 15:47ПСЖ "Олтин тўп"ни топшириш маросимида қатнашмайди. Нима учун?  10 15:25Хет-трик қайд этган легионер, рақибни тор-мор келтирган мураббий, финт билан гол урган футболчи — Суперлигада 22-турнинг энг яхшилари  2 15:03Цигер, Исмоилов, Ғиёсов, Табатадзе, Бегич... Суперлига 22-тур рамзий терма жамоаси  0 14:42Клюйверт Гиннес рекордлар китобига кирди  4 14:16"Арқадағ" вакиллари давлат мукофотига эга бўлди  13 13:49"Андижон" сўнгги сонияларда мағлубиятдан қутулиб қолган "Сўғдиёна" билан баҳсдан ГАЛЕРЕЯ  0 13:23Эшитдик-да! Ўзбекистон МТЖ 9 октябрь куни Тошкентда ўртоқлик ўйини ўтказади  20 13:01U-17 Осиё Кубоги финалида қизил карточка олган Сарсенбаев ЖЧ гуруҳ босқичида Ўзбекистон терма жамоасига ёрдам беролмайди  5 12:40Суперлига. 23-тур учрашувларига ҳакамлар тайинланди  4 12:27Эксперт фикри. Диёр Мирзабоев: "Андижон" икки фронтга тайёр эмасдек кўринди, баъзи жамоалар таркиби Суперлига учун етарлича кучлимас"  6 11:55​"Нефтчи" мухлислари қаршисида "Динамо"ни доғда қолдирган ўйиндан ГАЛЕРЕЯ  0 11:31Аскер Нажафалиев Индонезия Суперлигасида ишлайди  0

Максим Шацких: "Ўйин 80 дақиқа давомида рақиб майдон ярмида кечди. "Ал-Васл" сафида бор-йўғи 2та маҳаллий футболчи бор" Новости

Максим Шацких: "Ўйин 80 дақиқа давомида рақиб майдон ярмида кечди. "Ал-Васл" сафида бор-йўғи 2та маҳаллий футболчи бор"

Суперлига 18-туридан ўрин олган "Пахтакор" - "Нефтчи" (0:0) учрашувидан сўнг мезбонлар бош мураббийи Максим Шацких ўйиндан кейинги матбуот анжуманида иштирок этди.

"Барчага хайрли кеч. Ўйинни ҳамма кўрди, йигитлар берилган вазифаларни бажаришди. Ҳозирча фақат якуний нуқта етишмаяпти. Ўйин 80 дақиқа давомида рақиб майдон ярмида кечди. Юришлар, узатмалар яхши чиқмоқда. Рақиб майдонида агрессивроқ ўйнашимиз керак эди. Бунинг устида ҳар куни ишлаяпмиз. Бўлмаса устунлик бизнинг жамоада эди. Бундай ўйинлар бўлиб туради.  Билмадим, қанотлардан қанча узатмаларни амалга оширдик. Жуда кўп" - дейди Максим Шацких.

-"Нефтчи" зич ҳимояланди. Бундай тактикага қарши қандай ўйнаш мумкин? 

- Фақат қанотлар орқали. Рақиб ҳам бизни ўрганган. Тўғри айтдингиз, улар дарвозага яқин жойлашишди. Футболчиларга қанотларда кўпроқ ва тезроқ ўйнашни айтгандик. Олдиндаги учлик бироз улгуришмади. Айтганимдек узатмалар бўлмади эмас. Дейлик, Хожиакбар Алижоновда яхши вазият юзага келганди. Бундай вазиятда фақат қанотлар ва узоқдан зарбалар ишга тушиши керак. "Нефтчи" ҳам ёмон жамоа эмас, муносиб ҳимояланди. Кўриниб турибдики, улар бугун шундай ўйинни исташган. Орқа чизиқда бехато ўйнаш бўлди. 

- Драган Черан ва Сардор Собирхўжаев бугун нима учун қайдномага киритилмади? 

- Драганга бироз дам бердик. Ҳозир ҳар 3-4 кунда ўйинлар бўлади. Сардор ўзини яхши хис қилмади. Азмиддиновда микрожароҳат бор эди. Ҳозир соғ-саломат. 

- Достон Ҳамдамовнинг захирадан майдонга туширилиб қайтиб олиниши сабаби нима? 

- Биз кимдир ёмон ўйнади деб захирага олмаймиз. Алмашдими демак нимадир қўшиш керак. Бундай ўйинларда очиғи қийин бўлади. Достон жуда яхши ҳаракат қилди, унга ҳеч қандай эътирозим йўқ. У ҳаммасини қилди. Лекин бизда захирада ҳужум вакиллари қолган, гол уришимиз керак эди. Мен вингер ўрнига таянч ярим ҳимоячисини туширолмайман. Биз захираларни позиция бўйича қиламиз. Олдинда ОЧЛ учрашувлари бор. 

- "Пахтакор" "Ал Васл" билан ўйинга тайёрми?

- Буни футбол кўрсатади. Рақиб жиддий ва яхши жамоа  БАА чемпиони, таркибида фақат 2 нафар маҳаллий футболчи бор. Бизга қийин бўлишини биламиз. 17 санада кўрамиз.



Рейтинг: -7   

Комментарии

championat.asia
< посмотреть последние новости
Яндекс.Метрика