Максим Шацких: "Футболчиларимиз учун хурсандман, жамоам кўрсатган ўйин менга ёқди"

- Ўйин ҳақида фикрингиз?

- Тўғрисини айтаман, жамоамиз кўрсатган ўйин менга ёқди. Йигитлар берилган кўрсатмаларни тўлиқ бажаришга ҳаракат қилишди. Балки кўп хавфли вазиятларни юзага келтирмагандирмиз, аммо тўп назорати ҳамда майдонда ўзини тутиш бўйича яхши ҳаракат қилдик. Йигитлар учун хурсандман. Бугун яхши жамоага қарши, бўлиб ҳам Ўзбекистон Кубоги финалчиси билан кураш олиб бордик. Футболчиларимизга яхши ўйин учун раҳмат айтиб қоламан.

- Бугунги баҳсда жамоангиз ғалаба қозониши учун нима етишмади?

- Голлар етишмади. Ютиш учун гол уриш керак ва дарвозадан ўтказмаслик лозим.

- Бугун фақат икки нафар футболчи захирадан тушди. Бошқаларнинг ўйини қониқтирдими?

- Юқорида айтиб ўтганимдек, жамоамизнинг ҳаракати менга маъқул келди. Майдонга тушган ҳамма ўз кучини кўрсатишга ҳаракат қилди.

- Жамоанинг кейинги учрашуви ОЧЛ 2 доирасида Баҳрайн жамоасига қарши кечади. Йигитлар бу ўйинга тайёрми?

- Барча футболчиларимиз соғайиб умумжамоа билан машғулот бораётганидан хурсандман. Маматказин ва Зотеев сафга қайтишди. Бу энг муҳими. Зотеев биз Баҳрайнга учади, Маматказинга эса бироз вақт керак, чунки у умумий машғулотга кеч қўшилди. Балки уни эртага U-21 жамоамиз сафида 45 дақиқа ўйнатармиз.

- Отабек Жўрақўзиевнинг ўйинидан қониқиш ҳосил қиляпсизми?

- Шахсан мен ҳа. Балки унинг майдондаги иши кўзга кўринмаётгандир, лекин мен ҳаммасини кўриб-билиб турибман.