Лутфулла Тўраев: "Иккинчи бўлимда ўзимиз истаган футболни намойиш этдик"

"Мазкур беллашув қийин бўлишини олдиндан билардик. Шундан келиб чиқиб, баҳсга астойдил тайёргарлик кўргандик. Биринчи бўлим бироз қийин кечди. Танаффусдан кейин ўйлаган режаларимиз амалга ошди. Ўзимиз истаган футболни намойиш қилдик.

"Динамо" билан беллашувда жамоамиз мурабийлар штаби берган кўрсатмаларини тўғри бажардик. Бу эса ғалаба қозонишимизга сабаб бўлди. Жамоамизнинг барча футболчиларида ғалабага бўлган иштиёқ юқори эди ва йигитлар охиригача курашишди.

Дарҳақиқат, мавсумни кўнгилдагидек бошлай олмадик. Ўйлашимча, "Нефтчи"ни олдинги омадсизлигида жамоани янги тузилгани ва футболчилар бир-бирини тушуниб кетишларига вақт керак бўлгани сабаб дея оламан.

Суперлигада қолиш учун биз олдимизда турган қолган барча ўйинларда ғалаба қозонишимиз керак. Биз футболчилар мухлисларимизни қувонтириш учун ҳам ҳар бир баҳсда ижобий натижа қайд этиш учун майдонга тушамиз.

Тўғрисини айтсам, биринчи даврани жароҳат билан ўтказдим. Оёғим сингани сабабли жамоага ёрдам бера олмадим. Худога шукрки, ҳозирда ҳаммаси жойида ва ўзимни яхши ҳис қиляпман", - деди Лутфулла Тўраев.