Лукаку: "Бир куни Конте жамоа олдида мен жуда ёмон ўйнаётганимни юзимга айтганди"

- Конте футболчиларининг кўнглини оғритишни истамайдиган мутахассис экан. Ростдан шундайми?

- Ҳа, у буни истамайди. Бироқ ҳар доим бор гапни юзимизга айтади. Биз яхши ўйнаётганимиз ёки ёмонлигини тўғри тушунтиради.

ЕЧЛ 1-тури доирасида "Славия"га қарши ўйинни ростдан ҳам жуда ёмон ўтказгандим. Конте эса буни бутун жамоа олдида бақириб айтганди. Бундай ҳолат фаолиятимда ҳали бўлмаганди.

- У асабийлашиб, нималарнидир тепадими?

- Йўқ, у шунчаки ўша гапларни айтди ва агар яна ёмон ўйнасам 5 дақиқадан кейин алмаштирилишимни тушунтирганди. Шундан кейин биз "Милан"га қарши ўйнадик. Мен ҳам фаолиятимдаги энг яхши ўйинлардан бирини ўтказдим.

Ўшанда Конте менга ишончимни қайтарганди. Унинг олдида барча футболчилар бир хил даражада.