RU

Последние новости

10:57Легионерларимизга аталган кун. Бугун Ҳусанов, Ғаниев, Эркинов, Турғунбоев жамоалари ўйнайди   3 10:16"Машъал" янги мавсумга тайёргарликни Тошкентда давом эттиради  0 09:43Sofascore. Отабек Шукуров "Ал Насср" билан учрашувда неча баҳо олди?  5 09:10"Металлург" собиқ мураббийи Мальдив ороллари жамоасида иш бошлади  4 08:35"Шўртан" дарвозабони легионерга айланди  1 08:05Ўзбекистонлик ҳимоячи Тожикистон совриндори сафига бориб қўшилди  0 07:35Суперлига. Жамоаларда амалга ошаётган трансферлар барчаси битта саҳифада   78 03:03Франция. ПСЖ "Монако"ни йирик ҳисобда мағлуб этди  5 02:53Англия Кубоги. "Манчестер Юнайтед"дан камбэк! Магуайр 90+3-дақиқада гол уриб, жамоасига ғалаба келтирди  12 02:43А Серия. Сўнгги дақиқадаги пенальти "Ювентус"га ғалаба олиб берди  4 02:25Бундеслига. "Бавария" йирик ғалабага эришди, Кейндан дубль  0 00:43Мартинелли қанча вақтни майдондан ташқарида ўтказади?  0 00:23Саудия Арабистони. Иккитадан пенальти ва қизил карточка кўрсатилган ўйинда "Ал Аҳли" ғалабага эришди  0 23:13Роналду кетма-кет 5 ўйинда гол урди  106 22:49А Сериянинг январь ойидаги энг яхши мураббийи маълум қилинди  0

Луисма Эрнандес: "Ўйлашимча, учинчи гол қайд этилишида хатолик бўлди" Новости

Луисма Эрнандес: "Ўйлашимча, учинчи гол қайд этилишида хатолик бўлди"

Coca-Cola Суперлигасининг 1-туридан ўрин олган "Металлург" - "Нефтчи" учрашувидан сўнг мезбонлар бош мураббийи Луисма Эрнандес ўз фикрлари билан ўртоқлашди.

Ўйин ҳақида

- Мавсум энди бошланди. Мавсумолди тайёргарлик қолган жамоаларга қараганда бошқачароқ бўлгани ўйинда яққол акс этди, сабаби рақиб жамоанинг ритмига қараганда бизнинг ритм пастроқ эди. Шунга қарамасдан, қўлдан келганча ҳаракат қилдик. Биринчи бўлимни оладиган бўлсак, ўз хатоларимиз туфайли иккита гол ўтказиб юбордик. Хатоларни тузатиш мақсадида олдинга қараб ҳаракат қилдик. Бизда ҳам хавфли вазиятлар юзага келди, аммо улар гол билан якунланмади. Агарда ҳужумларимиз якунига етганда, мувозанатни тўғрилашга ҳаракат қилардик. Иккинчи бўлимда ҳам юқори темпда ўйин намойиш этишга ва ҳисобни тенглаштиришга ҳаракат қилдик. Учинчи гол ўтказиб юборилгач, айрим футболчилар эмоционал тарафдан ўзларини назорат қила олмаганидан бироз хафа бўлдим. Мағлубиятга қарамасдан, футболчиларга ва ишқибозларга миннатдорчилик билдираман.

- Ўтган йил бошида клуб фалсафаси ёш ўйинчиларни тарбиялаб, клубга етказиш эканлигини таъкидлагандингиз. Мавсумлар оралиғида эса бир нечта легионерлар таркибга жалб этилди. Бунда аввалги натижалардан қониқиш бўлмадими ёки клуб ўз сиёсатини ўзгартирдими?

- Ўтган йилги таркибдаги баъзи ўйинчилар бошқа клубларга ўтганлиги сабабли, қолаверса, таркибдаги бошқа футболчиларнинг даражасини ошириш мақсадида легионерларни жалб қилишга қарор қилдик. Уларнинг жамоага мослашиши учун бироз вақт талаб этилади. Улар келгуси ўйинларда ўзларини кўрсата олади деб ўйлайман. 

- Давралар оралиғидаги йиғиндан кўнглингиз тўлдими? 

- Аввалги интервьюларимда айтиб ўтгандим, тайёргарлик борасида бироз кўнглим ранжиганди. Чунки шароитларнинг яхши бўлмагани бугунги ўйинда акс этди. Лекин бу мағлубият учун сабаб бўла олмайди. Ўз устимизда ишлаб, келгуси учрашувларда яхши натижа кўрсатишга ҳаракат қиламиз. Рақиб жамоани бугунги ғалаба билан табриклаймман. Эндиликда "Навбаҳор"га қарши учрашувга тайёргарликни бошлаймиз. 

- Йосович ва Дамир Темиров жароҳат олганми? Улар қачон сафга қайтишади?

- Баъзи ўйинчилар мавсумолди тайёргарлик жараёнида жароҳат олди. Дамир Темиров ўтган йили жароҳат олганди, бу йил таркибга қўшилди. Уларнинг тикланиши учун 2-3 ҳафта керак бўлади. 

Ўйинга қайтадиган бўлсам, учрашув бошидаги икки тўп мураккаб вазиятда ўтказиб юборилди. Лекин учинчи гол қайд этилишида хатолик бўлди. Бироқ бу ҳақда ҳеч нарса дея олмайман, сабаби ўйинни қайтадан кўриб, таҳлил қилишимиз керак. 

Рейтинг: -2   

Комментарии

championat.asia
< посмотреть последние новости
Яндекс.Метрика