"Локомотив": ОЧЛ. “Ал Иттиҳод”да ғалаба, “Ал Виҳдат” энди бошлайди

“Локомотив” дастлабки турни БААнинг “Ал Наср” клубига қарши ўтказиши лозим эди, энди бўлса “Ал Иттиҳод” ва “Ал Виҳдат” ўртасидаги плей-офф учрашуви ғолиби Тошкентга ташриф буюради.

9 февраль куни “Ал Иттиҳод” билан “Ал Виҳдат” ўзаро баҳс олиб боради бунда ким ғалаба қозонса, бизнинг гуруҳга тушади. Саудия Арабистонининг энг кучли клубларидан бири “Ал Иттиҳод” куни кеча ўз майдонида “Нажран” жамоасини қабул қилиб. 1:0 ҳисобида ғалаба қозонди. Ўйиндаги ягона гол 36-дақиқада Салли Мунтари томонидан киритилди.

Айни пайтда “Ал Иттиҳод” 14 ўйиндан сўнг турнир жадвалида 3-ўринни эгаллаб турибди. Улар ҳисобида 29 очко бор. Биринчи ўринда бораётган “Ал Ҳилол” ҳисобида эса 36 очко мавжуд.

Иордания чемпионати иштирокчиси “Ал Виҳдат” 4 февралдан иккинчи давра ўйинларини бошлайди. Биринчи даврадан сўнг бу жамоа тўртинчи ўринни эгаллаб турибди.