"Локомотив М" - "Краснодар", "Рома" – "Ювентус" ва ҳафтанинг қолган муҳим ўйинлари

Шунингдек, Скудетто учун курашда ашаддий рақиблар, Мюнхендаги жанг, "Монако" - ПСЖ, "Севилья" - "Атлетико" ўйинлари ҳам мухлисларимиз учун қизиқ бўлиши аниқ.

«Реал Мадрид» – «Бетис». (шанба. 01:30)
Бугун Бенитесда дастлабки турдаги дуранг тасодиф эканлигини исботлаш учун имконият бор.

Шунингдек, каталонияликлар ҳам бугун "Малага"ни қабул қиладилар.
«Барселона» – «Малага». (шанба. 23:30).

«Локомотив» – «Краснодар». (якшанба. 15:30)
РПЛда фаолият олиб бораётган икки нафар юртдошларимизнинг тўқнашуви. Сиз ушбу ўйинда қайси жамоага мухлислик қиласиз?

«Суонси» – «Манчестер Юнайтед». (якшанба. 20:00)
Аста-секин ўзига келаётган Луи ван Гал шогирдлари чемпионатнинг стабил жамоаларидан бири «Суонси» майдонида меҳмон бўладилар.
Шунингдек, бугун соат 16:45 да бўлиб ўтадиган «Ньюкасл» – «Арсенал» ўйини ҳам АПЛ мухлислари учун қизиқ бўлиши аниқ.


«Монако» – ПСЖ. (якшанба. 23:55)
Франция чемпионати етакчиларининг ўзаро учрашуви. Францияда давранинг марказий ўйинларидан бири десак ҳам бўлади.


«Севилья» – «Атлетико». (якшанба. 23:30)
Ушбу ўйин ҳам Испанияда турнинг марказий ўйини ҳисобланади.


«Бавария» – «Байер». (шанба. 21:30)
Германияда мавсумнинг муҳим ўйинларидан бири бўлиши шубҳасиз. Иккала жамоа ҳам бундан олдинги ўйинларда ғалаба қозонганлар ва турнир жадвалида юқори ўринларда бормоқдалар.

«Рома» – «Ювентус». (якшанба. 21:00)
Чемпионлик учун курашда туринликларга айнан "Рома" асосий рақиб бўлишини ҳисобга оладиган бўлсак, ўйиннинг аҳамиятини тасаввур қилиш қийин эмас.

Ўйинлар Тошкент вақти билан кўрсатилган